paranoid

I am not a fan of the jonas brothers but I actually like this song!

ليس دائما الصوره ابلغ تعبير

شفت امبارح فيلم الراقصه و الطبال للكاتب الكبير( احسان عبد القدوس )كانت اول مره اشوف فيها الفيلم لاني مش بحب نبيله عبيد فمكنتش بحب اشوفه لكني قررت اتفرج عليه بعد ما قرأت القصه القصيره (الراقصه و الطبال ) في الكتاب اللي بيضم مجموعه من القصص القصيره ( اسف لم اعد استطيع)

بصراحه بعد ما اتفرجت علي الفيلم محبتش الفيلم ده مش لان الفيلم وحش بالعكس الفيلم رائع لكن بعد ما كنت قرأت القصه القيت ان القصه بالرغم من انها قصه قصيره مش روائيه وجدتها اعمق بكثييير من الفيلم اعمق في وصف المشاعر و تجسيد الاحاسيس اعمق في التفاصيل الصغيره التي تغاضي عنها كاتب السيناريو في الفيلم لان التفاصيل الصغيره دي من وجهه نظري هي اللي عملت روح للقصه وهي مجرد حروف وكلمات ومن غيرها في الفيلم بالرغم من انه تجسيد بشري لكن اصبح بلا طعم ولا لون ولا رائحه مجرد فيلم حلو بين الالاف الافلام

وصف الكاتب الكبير احسان عبد القدوس لعلاقه (عبده الطبال ) بحبيبته ( الطبله) وارتباطه بها منذ الصغر كان سبب منطقي لتمسك عبده الطبال في المطالبه بالجلوس في وسط المسرح عند تأديه الراقصه للرقصه وظهرت في القصه كميه حبه وتقدريه لفنه و للطبله التي كانت من وجهه نظره اهم اله موسيقيه ولكن في الفيلم ظهر وكأنه شخص مغرور او غير متزن نفسيا

بدأ احسان عبد القدوس قصته بوصف علاقه (عبده مع طبلته)

وصف الكاتب علاقه عبده بالطبله كانها علاقه بين شخص وقطه اليفه ليبرز مدي ارتباط عبده بالطبله وحبه لها ولفنه وبدأ يسرد اسباب حزن عبده وسخطه فقبل صعود الراقصه لخشبه المسرح تقدم الفرقه الموسيقيه مقطوعهم وسيقيه لا يكون له دور فيها يقوم فيها عازف الناي بتقاسيم موسيقيه وينفرد فيها عازف القانون بمقطوعه الموسيقيه وينفرد ايضا عازف الكمان بعزف مقطوعه اخري وايضا عازف الجيتار و عازف الاورج ومع كل عزف منفرد لكل شخص يصفق الجمهور لهم ولكن عندما تصعد الراقصه الي المسرح يسكت الجميع وتتكلم الطبله وتكون الطبلة هي البطلة ولكن بعد نهاية الفقره يصفق الجميع للراقصه وينسوا الطبلة فيسخط عبده (هذا الجزء لم يوضحه الفيلم بالشكل المطلوب ولكن ظهر عبده في الفيلم وكأنه شخص مريض عقليا او مريض بالشهره وهو كان كل ما يريده هو التقدير)

ويستمر الكاتب في سرد اسباب تعلق عبده بالطبله منذ صغره عندما كان اهله في البيت - وهو من عائله محترمه جدا - يعزفون يوميا علي مختلف الالات الموسيقيه(البيانو) ( العود) ولكنه اختار الطبله حاول تعلم العزف علي الالات اخري وتعلم العزف علي البيانو ولكنه اختار الطبله والتحق بمعهد الموسيقي وتعلم العزف علي الكمان ولكنه ايضا اختار الطبله لايمانه بها وحاول الابتعاد عن الطبله قدر الامكان وتعلم (السولفيج) و النوته الموسيقيه ولكنه عاد مره اخري الي الطبله لانه يراها هي الاله الوحيده التي تعبر عن مصر فكل بلد وكل مكان في العالم يوجد طبلته الخاصه به و التي تميزه ولكن هو رأي ان الاله الوحيده التي تعبر عن الالحان الشرقيه هي الطبله وكان من وجهه نظره ان الموجي وعبد الوهاب يتكلمون بلغه اجنبيه لانهم يصنعون الاحانهم بالات اجنبيه حتي ولو كان اللحن مصري و الكلام مصري فمن وجه نظره ان كل الالت الموجوده لها شخصيه عالميه ولكنها لا تعبر عن شخصيه بلد معينه انما الطبله تنفرد في التعبير عن مصر وحاول ان ينقل كل ما يدرسه الي الطبله حاول تثقيف الطبله

اذن علاقته بالطبله اكبر بكثير من مجرد طبال لهذا كان دائم السخط علي وضع الطبال في ذيل الفرقه الموسيقيه ( الاجنبيه ) من وجهه نظره لانها الشئ الوحيد الذي يعبر عن الشخصيه الشرقيه وهو مالم يوضحه الفيلم لم يفسر لنا الفيلم ما هي قوه علاقه عبده بالطبله او ما اسباب هذه العلاقه او ما اسباب السخط ولكن كل ماوضحه لنا شخص مغرور ومريض نفسيا ومحب لذاته

ويستمر احسان عبد القدوس في سرد علاقه عبده بالطبله بعد استقدام مباهج لتعليمها وعندما سطع نجم مباهج واصبحت راقصه مشهوره كبر حلمه وحاول ان يعرف الجمهور قيمه الطبله فقام بالغاء عده الالات موسيقيه لتظهر الطبله حتي عندما طلبت منه مباهج استقدام عازف او عازفين كمان في الفرقه غضب كثيرا لانه يري ان الطبله هي الوحيده القادره علي التعبير عن الفن المصري

نعم تملك الغرور من عبده الطبال ولكن ليس منذ البدايه كما اوحي لنا الفيلم ولكن بعد نجاح مباهج فكان كل نجاح لمباهج ينسبه لنفسه حتي بعدما طلبت منه احدي شركات الاسطوانات تسجيل الحانه التي ترقص عليها مباهج وجد انه نحاج شخصي له هو وليس لمباهج

ويتسمر الصراع بين احلامه و الواقع ويصطدم اكثر من مره بالواقع ان الطبله ليس الا اداه مساعده لا تسطيع ان تصنع لحنا كاملا بدون باقي الالات ولكنه استمر علي موقفه في وصف دقيق في القصه يمس القلب و المشاعر لم يظهر في الفيلم

واستمر في عناده وابتعد عن مباهج واقنع صاحب الكازينو ان يقدم عرض وحيدا ولم يهتم الجمهور بعزف الفرقه ولا بعزف الطبله ولكنه يريد راقصه وطرد من الكازينو وجلس يبكي وكانت النهاية

انا مشوشه اي نهاية افضل نهاية الفيلم التي توضح ان الاستاذ عبده اصبح بلا قيمه وان اهل الراقصه اصبوا كل شئ وتخليه عن احلامه بعد الاصتدام اكثر من مره بالواقع ام نهاية احسان عبد القدوس التي توضح حبه وتمسكه بالطبله وبحلمه وانه سيظل متمسك بها حتي تحقيق حلمه

انا اميل الي النهاية الرومانسيه اكثر ( احسان عبد القدوس ) مع اقتناعي التام بالنهايه الواقعيه ايضا .

الراقصه و الطبال قصه قصيره موجوده في كتاب (اسف لم اعد استطيع) يضم 7 قصص قصيره رائعه كل قصه من القصص ال 7 تنقلك الي عالم مختلفه عن العالم الذي قبله ويوجد داخل الكتاب (هل قرأ عبد الناصر الرساله ) وهي ليست قصه ولكن يعرض فيها احسان عبد القدوس رساله بعثها لجمال عبد الناصر

محتوي الكتاب

1-الراقصه و الطبال

2-قبل الوصول الي سن الانتحار

3- أسف لم اعد استطيع

4- كان يعيش مع لسانه

5-الزجاجات الفارغه

6-قبل ان تخرج الحقيبه من الباب

7-شِباك كلها ثقوب

كتاب يستحق القراءه مثله كمثل كل كتب احسان عبد القدوس الذي اعشقه و اعشث رواياته
* انا لست ناقده سينمائية او ناقده ادبية ولكن اعبر عن رأيي الخاص

الجوهري الاهلاوي... شحاته الزمالكاوي

استفزتني مقاله نشرت علي موقع (Yallakora) بعد هزيمه المنتخب من أمريكا وفي المقاله '>مقارنه بين محمود الجوهري و حسن شحاته ولا اعلم ما هو سبب هذه المقارنه هل كانت الظروف المحيطه هي ذاتها في البطولتين؟ هل المدربين يملكون نفس اللاعبين ؟ هل انجازات المدربين هي ذاتها حتي نقارن بينهم في مباراه؟

بالرغم اني لا احب مسأله المقارنات وخصوصا بين اكبر مدربين عرفهم التاريخ الكروي المصري ولكن مقاله مثل هذه دفعتني لعقد مقارنه بين محمود الجوهري و حسن شحاته تتضمن كل الانجازات مع المنتخب
اهم اانجازات محمود الجوهري مع المنتخب

طوال سنوات طويلة لا اتذكر عددها فانا من يوم علمي بشئ يسمي كره القدم اسمع اسم محمود الجوهري هو مدرب المنتخب

التأهل لكأس العالم عام 1990 ( تقديم اداء مشرف رغم الخروج من الدور الاول)

والفوز ببطولة كأس العرب عام 1992

والفوز ببطولة امم افريقيا في بوركينا فاسو

اهم انجازات حسن شحاته مع المنتخب في 4 سنوات

الحصول مع منتخب الشباب على كاس الامم عام 2003

الحصول علي بطولة الامم الافريقيه 2006

الحصول علي بطولة الامم الافريقية 2008

اول مدرب يحصل علي بطوله امم افريقيا للشباب - و الفريق الاول

اول مدرب يحصل علي بطولة افريقيا مرتين متتاليتين

اداء مشرف جدا في بطولة الكونفدراليه ابهر العالم امام البرازيل وهزيمه امام البرازيل بظلم تحكيمي (بعيدا عن صحه ضربة الجزاء)

فوز رائع علي بطل العالم الفريق الايطالي و ابهار العالم كله بالاداء امام ايطاليا

طوال 4 سنوات لم يهزم المنتخب سوي 4 مباريات فقط و طوال الاربع سنوات حقق كل البطولات التي اشترك بها ( بطولتان افريقيتان)

ـــــــــــــــــــــــــــــــــــــــــــــــــــــ

بعد هذه المقارنه البسيطه جدا دون التطرق الي مشاور المدربين مع الانديه هي يوجد اي مجال اخر للمقارنه

الاعلام يردد محمود الجوهري اعظم مدرب في تاريخ مصر ولا احد يتطرق الي انجازات حسن شحاته

ياتري ليه؟؟

في السيره الذاتيه للمدربين

محمود الجوهري ( لاعب النادي الاهلي)

حسن شحاته ( لاعب نادي الزمالك)

اعتقد ان الصوره وضحت الاعلام و الاهلاويه لا يقبلون ابدا ان يكون اعظم مدرب في تاريخ الكره المصريه ابن من ابناء نادي الزمالك ولا يقبلون ابدا بغير ابناء النادي الاهلي حتي وان ظلوا فتره طويلة جدا في تدريب المنتخب ولم يحققوا الكثير مثلما حققه حسن شحاته

كنت اكره اي شخص يقوم بادخال الاهلي - الزمالك في المنتخب ولكن بعدما رأيت الهجوم الشديد علي حسن شحاته و تناسي الجميع انجازاته لمجرد انه ابن الزمالك

هجوم علي حسن شحاته منذ توليه مسؤليه المنتخب وعندما يفوز بططوله 2006 ينسبون البطولة للحظ ودعاء الجماهير لانها تلعب علي ارض مصر

في بطولة 2008 ينسبونها الي لاعبي الاهلي و الي جوزيه

في 2009 الاداء الرائع امام البرازيل عادي بسبب ارهاق لاعبي البرازيل

الفوز علي ايطاليا عادي لان الفريق الايطالي ضعيف

منتهي النفاق من اعلاميين لا يرون الا بعدساتهم الحمراء ولا يرون اي شئ ابيض

حسن شحاته انت ابن الزمالك وصنعت للزمالك الكثير و لكنك صنعت لمصر اكثر لن ننساك ولن نهاجمك و لن ننكر انجازاتك فانت اعظم مدرب في تاريخ الكره المصريه ولا عزاء للحاقدين

Egypt 0 USA 3

Egypt 3 Brazil 4

Egypt 1 Italy 0

Egypt 0 USA 3 !!!!!

No Comment

الجمهور هو السبب

كل حاجه اتغيرت في الزمالك الاداره اللاعبين الجهاز

مرتضي وابه ذهبوا بلا رجعه ان شاء الله

الحاجه الوحيده اللي لسه زي ما هي ( الجمهور )

يبقي اكيد احنا السبب

مش لاقيه سبب اللنحس و الفقر اللي احنا فيه ده الا كده

نشترك في كاس العالم للانديه ونبقي اول فريق افريقي يشترك فيها تتلغي لا وايه النحس يوصل ان الشركه تعلن افلاسها

السنه اللي فاتت بطوله العالم للانديه الكره الطائره اول فريق افريقي يشترك فيها تتلغي

السنه دي بردو نفس البطوله واحنا اللي هنشترك فيها بردو هتتغلي

يبقي اكيد الجمهور هو السبب

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

http://www.yallakora.com/arabic/news/Details.aspx?id=85026&Catid=1&region=

الغاء دورى ابطال العرب الموسم القادم

كتب: كريم رمزي - أعلن عثمان السعد الأمين العام للإتحاد العربي لكرة القدم إلغاء دوري أبطال العرب الموسم الحالي 2009، مؤكدا على عودته مرة أخرى موسم 2010 بنظام جديد. وقال السعد خلال المؤتمر الصحفي الذي عقده الأحد ونقلته صحيفة الرياض السعودية "تقرر ان يكون موسم 2009 هو (استراحة المحارب) بالنسبة لبطولة دوري أبطال العرب نظراً للمسافة الزمنية غير الكافية لإقامة البطولة والتي ستكون مواكبة لإقامة كأس العالم 2010، على ان تعود البطولة الموسم المقبل". وأضاف "تم التنسيق مع الشركة الراعية في هذا الشأن وتمت الموافقة الفورية على تأجيلها، مع تفهمهم الكامل لهذا الجانب لأن هدفهم هو نفس هدفنا إنجاح البطولات العربية قبل كل شيء". وفقد فريقا الزمالك وانبي فرصة المشاركة في اي بطولة خارجية الموسم القادم بعد إلغاء دوري أبطال العرب وهي البطولة الخارجية الوحيدة التي كانت متاحة لهما. وأشار السعد ان هناك اقتراحات لمشاركة الأندية الثمانية التي تتصدر الترتيب العالمي والعربي من دور الثمانية بدوري أبطال العرب موسم 2010 دون الدخول في التصفيات الأولية. من ناحية أخرى، وفي تعليقه عن عدم إصدار أيه عقوبات بعد أحداث لقاء الوداد المغرب والترجي التونسي في نهائي البطولة بنسختها الأخيرة، علق السعد " بصراحة لم نناقش هذه الأحداث، وسنفتح هذا الملف في الأيام القليلة المقبلة مع التأكيد على أن الاتحاد العربي يسعى جاهداً لتصحيح أي خطأ يعكر صفو البطولات العربية". يذكر ان بعض التقارير قد أشارت لاحتمالية عودة الأهلي للمشاركة في دوري أبطال العرب بعد خروجه المبكر من البطولات الإفريقية، وذلك قبل إلغاء نسخة البطولة لعام 2009.

ـــــــــــــــــــــــــــــــــــــــــــــــــــــــــــــــــــــــــــــــــــ

يلا نروح نشجع الاهلي نشوف ايه اللي هيحصل

لما ده يبقي تفكير مربي الاجيال يبقي عليه العوض في الأجيال

http://www.almesryoon.com/ShowDetailsC.asp?NewID=65545&Page=14&Part=1&SAction=2

** أبوتريكه مرة أخري .. لكن في الصعيد.. حيث كان هو وجوزيه وفلافيو محور سؤال ورد في إمتحان التيرم الثاني لكلية حقوق أسيوط الفرقه الثالثه ..المره الأولي كانت في الإسماعيليه ، قبل ثلاث سنوات من الآن ، عندما جاء سؤال التعبير في مادة اللغه العربيه للصف الأول الثانوي بإحدي مدارس البنات طالبا منهن إرسال برقية لأبوتريكه لتهنئته علي فوز الأهلي ببطولة أفريقيا ووصوله إلي كأس العالم باليابان .. مما كاد أن يؤدي إلي حدوث كارثه ، بعد أن ثارت ثائرة بنات الإسماعيليه ، ورفضن أداء الإمتحان ، بل وهددن بالخروج من اللجان ، قامت الدنيا ولم تقعد يومها ، حتي تدخل المسؤلون لإنقاذ الموقف ، وقاموا بحذف السؤال من الإمتحان ، وتحويل المدرس واضع السؤال المستفز إلي التحقيق وكان ما كان حينها .. أعود مرة أخري لأبوتريكه وأتساءل .. هل أصبح أبوتريكه جزءا من تاريخ هذا البلد ؟؟ ...... كأبو الهول والأهرامات الثلاثه.. للدرجة التي نراه فيها يتصدر أسئلة الإمتحانات في الثانويه العامه وكلية الحقوق ، التي تضم الصفوه من الدارسين والباحثين والمفكرين !! .. عجبت لك يا زمن ، أقولها وأنا أترحم علي عمنا توفيق الدقن ..

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

دلوقتي خلاص مربيين الاجيال في المدارس و الجامعات مبقاش يشغلهم الا الكوره و ((أبو تريكه)) بدل ما يزرعوا في الطلبه في السن ده حب العلم و يقدموا من نفسهم ومن غيرهم قدوه للطلبه بيقدمولهم ((أبو تريكه)) أعتراضي مش علشان انا زمالكاويه زي ما الأهلاويه فكرين ان الزمالكاويه غيرانين من ابو تريكه حتي لو كان مكان ابو تريكه معشوق كل الجماهير المصريه بجد مش رأي الاعلام (حازم امام) كنت قلت نفس الكلام وحسيت نفس الشعور

بدل ما ندي قدوه للاجيال القادمه من العلماء و الادباء و المفكرين

لا نديهم قدوه (أبو تريكه) انا افهم ان ابوتريكه يبقي قدوه للاطفال اللي حلمهم يبقوا لاعبين كوره لكن متتعممش بالطريقه المستفزه دي

وياريت كمان ياريت المدرسين ولا الدكاتره بس كنت ممكن اقول حاله شاذه لكن كمان اباء و امهات موافقين بكده وفرحانين

بعض تعليقات الاهلاويه

(((والله انت محير يا عم احمد شاكر بعيد عن العنصرية والتعصب والكورة والتحيز الى نادي اولاً وأخيراً انت مصري وعندك ابو تريكةصاحب مهارات عالية متواضع وخلوق ويهتم في قضايا الامة الاسلامية ولفت انظار العالم كلها متم تكريمه في أكثر من دولة .ليه الحقد بدل ما تفتخر فيه لانه مصري )))

خلاص مبقاش عندنا اي قدوه في مصر الا ابو تريكه و الفخر بدل ما يبقي بـ أحمد زويل - مجدي يعقوب - داليا مجاهد (مستشاره الرئيس اوباما) لا الفخر بأبو تريكه

(((الصيف الماضي وخلال الاجازه السنوية بمصر اعلن نادي قريب من المنزل عن عقد دوره صيفية للبراعم لمده شهر باشتراك رمزي وذهبت مع ابني اول يوم ووجدت حوالي 100 من البرالعم في اول يوم اكثر من 80 منهم يرتدون فانلة ابو تريكة رقمم 22 وعندما ذهبت لشراءها من محل الرياضة وجدتخها بصعوبة وقال البائع ان هناك ازمة في هذا الرقم لان كل الاطفال ريدون ويحبون ويقتدون بابو تريكة وهذا من عند اللة وكما قتال الخطيب نفسة ان اماحققة ابو تريكة لمصر والاهلي يفوق بكثير ماحققة هو وكل جيلة ))

لما يبقي 80% من الاطفال قدوتهم ابو تريكه و حبهم لتيشرت رقم 22 ولما الاهل يشجعوهم علي كده بدل ما يحببوهم في الكتاب او يشجعوهم علي الابتكار يشجعوهم علي حب ابو تريكه الرياضه شئ مهم جدا في حياه الانسان لكن لما تبقي القدوه للانسان في حياته كلها لاعب كره - وياريته لاعب كره محترم فعلا - يبقي عليه العوض ومنه العوض

(((وأنا أترحم على الإعلاميين الذين يدفعهم انتمائهم إلى أحد الأندية لكره كل ما هو أهلاوي بل والتمادي والشطط في ذلك إلى درجة كره لاعب أجمع الكل على أنه لاعب من طراز فريد وأخلاقه يتغنى بها الجميع سواء في مصر أو في كل الدول العربية ماعدا جمهورية الإسماعيلية طبعاً التي ينتمي إليها كتابنا الأفاضل والتي أصبحت مثال للتعصب بل والحقد ضد النادي الأهلي إن صحت الرواية التي المنشورة وطبعاً كله بفضل الإعلاميين من أمثال كاتبنا المحترم ))))

مستوي متدني من التفكير بجد لما جمهور الاهلي ميشوفش ان مساواه ابوتريكه برموز البلد عيب ولما ميشوفش ان المدرسين و الدكاتره يخلوا ابو تريكه المثل الاهلي لاولادهم ده شئ غلط يبقي عليه العوض ومنه العوض

(((ابني الصغير 6 سنوات , كنت أشتري له لبس رياضي , وكاد يبكي عندما لم نجد الفانلة رقم 22 , بتاعة أبو تريكة. لفيت كتير معاه, وأخيرا وجدناها. وكم كان ابني سعيدا جدا بها. وبدأنا رحلة العودة الي المنزل وابني يردد الحمد الله الحمد لله. أستاذ أحمد شاكر , بلاش تتعب نفسك , ده شيء مش في ايدك. )))

ده الجيل القادم برعايه الاباء و الامهات

(((بجد لك حق تغير وتتعفرت ماهو صحف العالم كلها بتتكلم عن ابوتريكة انا عندى ابوتريكة احسن من الاهرامات وابو الهول بتاعك لانهم شوية طوب لكن ده انسان راجل بجد )))

فعلا هما شويه طوب لكن طبعا لان حضرته مش شايف الا ابو تريكه مش عارف الطوب ده مين اللي عمله ولا يمكن فاكر ان ده حاجه طبيعيه زي الجبال كده والاستاذ الفخور بان ابو تريكه صحف العالم بتتكلم عنه اكيد ميعرفش ان العالم كله من مئات السنين مبهور بشويه الطوب و العالم كله من مئات السنين بيعمل ابحاث علشان يعرف شويه الطوب دول اتعملوا ازاي ومش عارفين يوصلوا لسر

شويه الطوب اللي الاستاذ بيقول عليهم اتثبت انها تطبيق لنظريه فيثاغورث قبل ما فيثاغورث يتولد بمئات السنين ( ده اصلا لو الاهلاويه يعرفوا مين فيثاغورث) اللي بنوا شويه الطوب دول قدوا للعالم انجازات في الهندسه و الطب و المعمار وكل العلوم و حتي كل الالعاب الرياضيه ليها اصول فرعونيه انما ابوتريكه ده عمل للبلد ايه

(((جميل ان يأتي ابو تريكة فى امتحان واكثرفهو مثال حي للاخلاق الحميدة ويريت شبابنا يحتذون بةويكون مثل لهم بدل للاسف المتهربين من التجنيد والذين على اشكالهم ولا عشان حضرتك اسمعلاوي فكارة كل اهلاوي !!!!!!!!!!!! )))

فعلا ابو تريكه هو بقي القدوه الحسنه للاطفال ونعم القدوه

(((فى زمن خلى من القدوة انبخل على اولادنا بالقدوة اى كان مكان عمله ام نتركهم يتخبرو قدوتهم من الساقطين والمنحرفين ايهما تختار الاجابة فى داخل كل منا )))

مصر مبقاش فيها قدوه للاطفال الا ابوتريكه

______________________________

حد يعرف حاجه عن احمد زويل - مجدي يعقوب

حد يعرف حاجه او اي معلومات عن داليا مجاهد

حد سمع عن البنتين اللي اخترعوا نبات يفسد مفعول المتفجرات و اللي كسبوا المركز التاني في مسابقه علميه في امريكا

حد يعرف حاجه عن مئات المثقفين و المخترعين في مصر

حد يعرف حاجه عن كتب _نجيب محفوظ -طه حسين - مصطفي محمود- عباس العقاد)

حد يعرف حاجه عن الامام محمد عبده - عن رفاعه الطهطاوي

حد يعرف حاجه عن الطفل المصري(عبد الرؤوف حلمي-ربنا يحميه ه-) اللي عنده 14 سنه واخترع 38 اختراع ومش اختراعات هايفه مثلا(جهاز لتحليه مياه البحر -جهاز لامتصاص الاحتباس الحراري-جهازا للكشف المبكر عن الزلازل والتوابع وغيرها وغيرها)

حد سمع عن(محمود وائل محمود 10 سنوات ربنا يحميه ) اذكي طفل في العالم و بردو هو اصغر مبرمج في العالم بشهاده مايكروسوفت

ياتري دول بردو كانت قدوتهم ابو تريكه

حد يعرف حاجه عن اي رمز علمي و ادبي في مصر قد ما بتعرفوا علي ابوتريكه

لما ولد او بنت بيحبوا الابتكار و التفكير او الادب و العلم ويلاقي جايله في الامتحان امدح في ابوتريكه وفي الاهلي او حتي في الزمالك او الاسماعيلي او ان شالله في مانشستريونايتد هيكون ايه شعورهم وهما شايفين ان التفكير بقي بالشكل ده

لما كنت بقول ان 90% من مشجعي الاهلي جهله كنت اوقات بغالط نفسي وبقول علشان انا بشجع الزمالك لكن الايام كل يوم تثبتلي صحه كلامي اما يبقي المثقفين منهم من نوعيه المدرس و الدكتور اللي يجيبوا الاهلي و ابوتريكه في الامتحانات تفكيرهم كده امال الغير متعلمين منهم يبقوا ايه فعلا النادي الاهلي نادي الجهله ( الا من رحم ربي)

ويارب الاباء و الامهات يشوفوا قدوه عدله لاولادهم بعيدا عن لاعبين الكوره علشان حالنا يتصلح

عجبت لك يازمن القدوه فيك بقت ابوتريكه

اخيييييرا محمد عبد الشافي في الزمالك

علم Zamalek.tv ان مسئولو نادى الزمالك نجحوا قبل قليل فى حسم صفقة محمد عبد الشافي الظهير الايسر لنادي المحلة والبالغ من العمر 24 عاما وذلك بعد مفاوضات طويلة ومستمرة من جانب الزمالك لضم اللاعب

بعد سنتين من الشد و الجذب بين الزمالك و المحله اخيرا اللاعب الزمالكاوي محمد عبد الشافي في الزمالك 5 سنوات

http://zamalek.tv/index.php?id=5735&loc=news&mid=

ـــــــــــــــــــــــــــــــــــــــــــــــــــــــــــــــــــــــــ

بصراحه اول مره اشوف لاعب متمسك بالزمالك بالدرجه دي

بالتوفيق ان شاء الله للزمالك و لعبد الشافي

I still want you you wnat me too , Don't you?

سله الزمالك الي الهاويه

1) وائـــل بــــدر

2)عصـــام عبـــد الحـــــميد

3) هيـــــثم الســــعيد

مش قادره اصدق ان هيثم السعيد ساب الزمالك وراح فين للعلوج بركات زياراتك ياحسن ياحمدي

وازاي عضو مجلس اداره سابف يروح للنادي الخصم

فين الانتماء وايه اللي وصلوا انه يعمل كده

واضح ان في حاجه كبيره خلته يعمل كده

حــــــســــبي الله ونعم الوكيل في اي حد ساهم في ضياع فريق السله

من ديكستال الي هنري ميشيل ---- انتم السابقون ونحن اللاحقون

http://superkoora.com/ar_news_detials.php?id=2944

كتب الصحفي المعروف محمد صيام يقول أن كل المعطيات المطروحة تؤكد أن مستقبل ميشيل دي كاستال المدير الفني السويسري للزمالك بات على كف عفريت بعدما تولى ممدوح عباس رئاسة النادي.وقال مراسل صحيفة استاد الدوحه بالقاهرة إن المشكلة التي ستواجه استمرار دي كاستال لا تتعلق بأن عباس غير مقتنع بإمكانياته التدريبية ولكن تتعلق بالصدام القادم بين الطرفين بسبب تمسك ممدوح عباس ببعض اللاعبين وإصراره على عدم التفريط فيهم.وقال صيام إن ممدوح عباس يصر على عودة جمال حمزة رغم أنه بدا متحفظاً في تصريحاته عقب فوزه بمقعد رئيس النادي إلا أن رأيه الشخص عكس ذلك تماماً إذ يؤيد تجديد عقد اللاعب بدعوى أنه يعشق الزمالك ولو كانت لديه أي ميول أخرى لاستطاع الرحيل في الفترة السابقة خاصة أن عقده انتهى رسمياً ويحق له التوقيع لأي ناد.في المقابل فإن دي كاستال يرى أن جمال حمزة لاعب متميز لكنه غير ملتزم وسلبياته في الفريق أكثر من إيجابياته ومن ثم فإن رحيله وعدم التجديد له سيفيد أكثر مما يضر بالزمالك في المرحلة المقبلة.وقال صيام إن المدرب السويسري يرى أنه من الصعوبة استمرار جمال حمزة في وجود شيكابالا لأنهما دائماً ما يخرقان نظام الفريق ويتسببان في المشكلات لذا فإن من الأفضل عدم الإبقاء على الأول على أن يتم تقويم الثاني بأي طريقة طالما أن عقده مازال ممتداً ولن يستطيع النادي بيعه إلا بمقابل مالي محدد لكي يسترد الزمالك الأموال التي صرفها من أجل ضمه.

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الحمد لله كل ما نتقدم خطوه نرجع لورا 10 خطوات وهنرجع نلف في نفس الدايره تاني (كرول - هولمان - رفعت و رمزي ) ننافس علي الهبوط

وكل ده علشان خاطر عيون حمزه(ماتعتزل يا أخ وتريحنا )

كل اللي قالوا كده قالوا عليهم اهلاويه ومش عايزين مصلحه النادي

http://www.superkoora.com/ar_news_detials.php?id=3056

http://www.lotfyalskan.com/160.html

علم الموقع أن نادي الزمالك سيعتمد فى الفترة المقبلة على نظام التقسيط لحين استرداد ممدوح عباس رئيس النادي المنتخب للأموال التي يدين بها النادي والبالغة 50 مليون جنية وأشار الموقع نقلا عن مصدر بنادي الزمالك أن النادي سيعتمد نظام التقسيط اعتباراً من صفقة مدافع الشمس شوقي السعيد والتي - بحسب الموقع - فشلت بسبب مبدأالشيكات المؤجله التى عرضها مسئولو الزمالك ورفضتها إدارة الشمس.وكان الموقع الرسمي لنادي الزمالك قد برر التراجع عن التعاقد مع اللاعب لمغالاة مسئولى نادى الشمس فى شروطهم المالية فيما أكد رئيس نادي الشمس أن الصفقة فشلت بسبب رفضهم ناديه الحصول على شيكات مؤجلة الدفع مقابل منح الاستغناء عن اللاعب الذي كان قد وقع على عقد رسمى مع الزمالك مساء الثلاثاء في حضور حازم إمام عضو مجلس الإدارة وخالد رفعت مدير التسويق بالنادى.وفاز ممدوح عباس مؤخراً وبجدارة برئاسة نادي الزمالك إلى جانب قائمته في أكبر وأشرس انتخابات شهدها النادي الأبيض منذ تأسيسه عام 1911.

_______________________________________________

علشان الفلوس اللي دفعها ومحدش اصلا قاله ادفعها هيخرب النادي ده هو المنقذ اللي هيجيب لينا صفقات الاحلام اللي هيخلي الزمالك بطل العالم

ابراهيموفيتش الزمالك كتير قالوا انه مش بيتبرع للنادي لكنه بيقرضه ودي كلها ديون علي النادي قالوا ماهو راجل بيحب الزمالك وعمره ما هيطالب بيها لما سمعت رئيس نادي الشمس امبارح ان الزمالك كان عايز يقسط المليون جنيه وانهم رفضوا قلت عليه كداب وانه عايز يوديه انبي علشان المبلغ اكبر انما واضح ان انا اللي طلعت مغيبه

هو من حقه سترد فلوسه طبعا لكن في طرق محترمه مش بالطريقه اللي تضيع الزمالك دي

علي العموم بردو بالتوفيق للمجلس لازم نفضل مساندين مجلسنا في كل الظروف

وبكره نسمع تكذيب بس مش هيكون حقيقي وبكره نسمع المجنون طالع يشمت

الزمالك مش للمخلصين

* الكثير من جماهير الزمالك بتهاجم عبد الحليم علي وعايزاه يعتزل وبوصل لحد الشتميمه و التريقه المهينه من البعض وهو اكتر اللاعبين اللي كان بيأدي بروح عليا و زي مابنقول كان بياكل النجيله وبيبث روح لكل اللاعبين اللي في الملعب الصغيرين و الكبار وعبد الحليم عمل للزمالك انجازات وبطولات كتير وهو هداف الزمالك علي مر عصور الزمال - طوال 100 سنه- و الناس بتعامله المعامله دي وكل اللي قاله انه عايز يكمل موسم وده حقه لانه لسه قادر يدي ولسه قادر يبث الروح كتير من الشباب معندهمش زيها

*ناس تانيه عايزه عصام الحضري يجي الزماكل ودلوقتي بقي عبد الواحد وعبد المنصف مالهمش لازمه وبردو بيتهانوا بافظع الالفاظ و الاهانات وحيد ومنصف اللي رفضوا الاهلي اكتر من مره علشان الزمالك بقي واحد باع ناديه احسن منهم و اللي باع ناديه ممكن يعمل ايه مع نادي تاني بيكرهوا وكلنا عارفين كره عصام للزمالك منصف اللي موافق انه يفضل في الزمالك احتياطي وعمره ماعمل مشاكل بسبب كده وهو من افضل حراس اللي في مصر ولو كان اخد فرصته كان هيبقي افضل 100 مره من الحضري دلوقتي في نظر بعض الزمالكاويه مكانهم مش الزمالك و الزمالك للحضري و الحضري للزمالك


* نفس الاشخاص هتموت ويرجع جمال وشيكا و ايمن عبد العزيز وكمان بيطالبوا بحسين علي و مسامحته !!!

خلص الكلام بس هتفضل يا حليم انت ومنصف ووحيد في قلوب كل الزمالكاويه المخلصين اللي بيحبوا الزمالك مش اشخا ص بعينهم لانكم لاعبين احببتم الزمالك بالفعل ليس بالكلام

درس جديد في الوطنية من اكتر جمهور وطني في العالم

طبعا بعد درسهم الاول في الوطنيه بتشجيع اي فريق بيلعب ضد منتخب مصر لان ببساطه كان اغلب لاعبي منتخب مصر هم لاعبين الزمالك وكانوا هما سبب رئيسي في هبوط مستوي منتخب مصر في 2002 و 2004 بسبب الضغط العصبي الكبير اللي كانوا عاملينه علي اللاعبين لانهم مش بيفوتوا مباراه الا ويشتموا لاعبين الزمالك اللي في الوقت ده كانوا بيلعبوا بأسم مصر (في منتخب مصر مش مع ناديهم لان الاخوه الاهلاويه بيزعلوا لما جمهور الزمالك والاسماعيلي يشجعوا الفريق اللي بيلعب ضد الاهلي ويقولوا ان الاهلي بيلعب باسم مصر انما المنتخب بيلعب باسم بلد تانيه)
)

دلوقتي جمهور الاهلي بيدينا درس جديد و عظيم من سلسله دروسهم في الوطنية

ــــــــــــــــــــــــــــــــــــــــــــــــــــــــــــــــــــــــــــــــــــ

س: لماذا فرحت جماهير الأهلي بعد إحراز الجزائر الهدف الثالث؟!

09/06/2009 كتب ــ عبدالحميد الشربيني:شهدت مباراة الجزائر ومصر في تصفيات كأس العالم تحولاً غريباً من جانب الجماهير التي تابعت المباراة وبشكل خاص جماهير الأهلي بعد إحراز الجزائر الهدف الثاني، بعد أن تحولت لتشجيع الفريق الجزائري وتوجيه هتافات معادية لــ «حسن شحاتة» ــ المدير الفني للفريق ــ و«عصام الحضري» ــ حارس المرمي ــ ولخصت المباراة في الثنائي وحملتهما المسئولية، وهو الأمر الذي أثار علامات استفهام بين الجماهير الموجودة علي المقاهي والمنتديات، خاصة أنها عاشت فرحة عارمة بعد الهدف الثالث للجزائر في وقت أدركت فيه الجماهيرأن مصر أحرزت هدفاً ولكن النتيجة تغيرت لصالح الجزائر بثلاثة أهداف، وهو الأمر الذي يعكس أن جماهير الأهلي تطالب برحيل «حسن شحاتة» انتقاماً منه بعد أن حملته مسئولية خروج فريقها من كأس الكونفيدرالية الأفريقية بعد هزيمته أمام سانتوس الأنجولي في تبريرها الوحيد لخروج الفريق الأحمر.ونال «الحضري» النصيب الأوفر بعد «حسن شحاتة» وحملته الأهداف التي دخلت مرماه، خاصة الهدف الأول ووجدت جماهير الأهلي الفرصة للانتقام من «الحضري» بعد هروبه من الفريق في الموسم الماضي وتحميل «شحاتة» المسئولية كاملة في هروب اللاعب لتجد الجماهير الفرصة كاملة للانتقام من «شحاتة» و«الحضري» وكأن مصلحة المنتخب الوطني لا تعنيهم أو حلم التأهل لكأس العالم لا يمثل لهم أي شيء.واللافت للنظر هو الفرحة العارمة بعد هدف حفظ ماء الوجه لــ «محمد أبوتريكة» ومصدر الفرحة أن اللاعب هو الذي أحرز الهدف إشارة إلي انتماء اللاعب للفريق الأحمر.ولم يتوقف الأمر عند ذلك، بل دخلت الجماهير المصرية في حرب هي الأولي من نوعها مع الجماهير الجزائرية علي المنتديات والمواقع الإلكترونية بعد المباراة وسط أفراح الجزائر في ظل لغة السخرية التي تعامل بها الجمهور الجزائري من مستوي الفريق المصري بعد وصفه بفريق المدارس، وهو الأمر الذي أغضب عدداً من الجماهير المصرية التي ردت بأن الجزائر لن تتأهل للمونديال رغم الفوز الكبير واستمرت سخرية الجماهير الجزائرية بعد تصريحات «حسن شحاتة» التي تمسك فيها بأمل الصعود، وقالت بسخرية واضحة إن المنتخب المصري لعب المباراة دون مدرب إشارة إلي حالات التسمم التي أصابت الثنائي «حسن شحاتة» و«حمادة صدقي» ــ مساعد المدرب ــ قبل 48 ساعة من المباراة.الغريب في مطالب الجمهور الأحمر باستبعاد «عصام الحضري» أن المنتخب المصري لا يمتلك حراساً بكفاءة حارس سيون السويسري، فماذا يريد جمهور الأهلي؟ هل يعتمد «حسن شحاتة» علي «أمير عبدالحميد» الذي هاجمه الجمهور طوال الموسم وطالبوا برحيله عن القلعة الحمراء أم يشرك «عبدالواحد» الذي تكررت أخطاؤه هذا الموسم بشكل غريب وتراجع مستواه؟!، كما لم يحدث من قبل المطالبة باستبعاد «الحضري» رغم تراجع مستواه في مباراة الجزائر غير منطقية، لأنه يبقي أفضل الموجودين، و«شحاتة» لن يغامر بإشراك أي حارس يتسبب في هزائم ثقيلة للمنتخب.

ـــــــــــــــــــــــــــــــــــــــــــــــــــــــــــــــــــــــــــــــــــــ

انا عمري ما شفت في حياتي وطنيه اكتر من دي بصراحه اكثر من 70% من الاهلاويه وطنيين بدرجه فظيعه

عندهم الانتماء الاول و الاخير لناديهم وبس

مش مكفيهم الاستيلاء علي البطولات المحليه و القاريه ( رضيع الكاف زي ما بيقولوا عليه الاخوه التوانسه) كمان عايزين المنتخب يبقي تفصيل لرغباتهم ومش مهم اي حاجه الا الاهلي

انا بصراحه شفت جمهور كتير من الزمالك و الاسماعيلي - علي منتديات - شتموا منتخب مصر وقالوا قبل المباراه انهم مش هيشجعوا المنتخب وانهم بيتمنوا الهزيمه للمنتخب عندا في ((اتحاد الكوره مش علشان اللاعبين اهلاويه )) لكن اول ما قعدوا قدام المباراه نسيوا كل ده ومافتكروش الا تشجيع المنتخب وبعد المباراه نفس الاعضاء في المنتديات كانوا زعلانين جدا الا ( الجمهور الوطني المحترم اقذر -سوري- احسن جمهور في افريقيا)

مفيش ولا واحد زمالكاوي فكر انه يهاجم المنتخب في 2006 2008 علشان اللاعبين الاهلاويه زي ماهما عملوا في 2002 برغم من استفزاز الاعلام الاحمر لينا وكنا بنفرح لما ابو تريكه يدخل جون وكأنه اكتر لاعب بنحبه في مصر وعمرنا مافكرنا بعقليه الوطنيين

للحق بس كان في زمالكاويه فرحوا في منتخب مصر لكن! العدد بالنسبه لجمهور الزمالك كان قليل جدا جدا عدد الاهلاويه بالنسبه لاعداد الاهلاويه في مصر هو تقريبا 70%

بجد ربنا يخليكوا لمصر

ولك الله يا منتخب مصر

Once a cheater always a cheater

كل ما اسمع الاغنيه دي وخصوصا الجزء ده

And ain't it sad You can't forget about what we had Take a look at her and do you like what you see Or do you wish it was me?

I'll be there in the back of your mind From the day we met to the very last night And it's just too

bad you've already had the best daysThe best days of your life

بفتكر اللاعبين اللي سابوا الزمالك و اختاروا الاهلي
طارق السعيد - محمد صديق - اينو
الزمالك كبير وهيفضل طول عمره كبير بيكم او من غيركم اما بالنسبه لحسين علي اللي اختار الاهلي ودلوقتي هيموت ويلعب للزمالك

I've been told that a cheater is always a cheater

~ Zamalek = الزمالك ~

بدأت تشجيع الزمالك من ان كنت في الثالثه او الرابعه من عمري وكنت لا اعرف اي شئ عن كره القدم سوي انها كره و اخترت تشجيع الزمالك بارادتي وانا في هذا السن الصغير لان ابي اهلاوي جدا و كان دائما يجعلني اتغني بحب الاهلي ولكني رفضت من الممكن ان يكون مجرد عندا كجميع الاطفال الذين اذا قال لهم احد قولوا بيب بيب اهلي يقولون بيب بيب زمالك علي سبيل العند ولكني اسرني اللون الابيض و الخطين الحمر وكلما كبرت كلما فهمت لما عشقت هذا الكيان

ومنذ هذا الوقت وانا تشجيعي للزمالك هو ان الزمالك = الزمالك فقط ولا شئ غير الزمالك وكنت اتخيل ان كل مشجعي الزمالك مثلي ولكني صدمت وبالاخص في الاحداث الاخيره التي مرت علي النادي و بالاخص ما كان يمر بيه فريق الكره و الانتخابات

فوجدت زمالكاوي عبساوي - زمالكاوي مرتضاوي و زمالكاوي درويشاوي :(

- انا اعلنا صريحه في البدايه انا لم اكن ادعم اي شخص في الانتخابات وكنت فقط ادعو ان يوفق الله اعضاء الجمعيه العموميه في اختيار الاصلح من وجهه نظرهم و كان بغض النظر عن الاختيار كنت ساقف وراء من يتم اختياره حتي و ان كان هذا الشخص هو ( مرتضي ) ولكني انا احب الكيان وليس الاشخاص-

منذ اعلان اوقت الانتخابات او تقريبا من قبلها تحددت الجبهات وكان كل الحديث من الزمالكاويه علي المنتديات عن المرشيحن و من يدعم من الي هنا كل شئ تمام ولكني فوجئت بكل شخص يضع مواصفات الزمالكاوي من وجهه نظره هو فهو عباسوي اذا من لا يؤيد ممدوح عباس لا يعتبر زمالكاوي و من هو مرتضاوي يضع نفس المعاير من لا يؤيد مرتضي منصور هو ليس بزمالكاوي و كان فقد الدرواشييين هم اقل حده من جبهتي المرتضاويه و العباسويه

وجدت الكثيرون يختصرون الزمالك في شخص

فوجدت من يقول ان عباس هو الزمالك ومن يقول مرتضي هو الزمالك ونسيوا او تناسوا ان الزمالك لا يقف ولا يعلو بشخص او العكس

ولكن الزمالك هو من يصنع الاشخاص و الاسماء

من ضمن الاشياء التي اراها مستفزه

اولا المرتضاويه و الذين غلطوا غلطه في وجه نظري لا تغتفر ابدا انهم بعد نهاية الانتخابات تمنوا سقوط الزمالك اكثر و اكثر علي ايدي ممدوح عباس لكي يندم الناس علي اختياره وانا لا اعتبر اشخاص بهذه العقليه زمالكاويه ابداا

ثانيا العبساويه وهي اخطاء من الممكن ان تكون نابعه من حب الزمالك ولكنه حب بالطريقة الخطأ - في وجهه نظري -

بعض العباسويه يؤيدون شوبير (بعد ان كان الحرامي مين ...) لانه يؤيد ممدوح عباس ونسيوا او تناسوا ان شوبير اكثر من شتم الزمالك و اكثر من ظلم الزمالك و اكثر من جرح في الاستاذ (ممدوح عباس ) لحساب المجنون (مرتضي منصور ) ويرون لانه يقف ضد مرتضي اذا هو حبيبنا و الشخص الوحيد الذي يعشق الزمالك في هذا المجتمع الاحمر واانا انتظر بفارغ الصبر اليوم التي تحدث فيه مشكله ولو بسيطه بين المحترم ممدوح عباس و احمد شوبير لكي يظهر شوبير علي حقيقته مره اخري شوبير الذي عاقب عمرو ذكي ولم يعاقب حسام عاشور ولا جوزيه ولا ولا ولا من الاهلي شوبير الذي انصفنا في قضيه هالني سعيد لانه فقط علي خلاف مع جوزيه و حسن حمدي وليس لانه محايد لا سمح الله ولا يهمه مصلحه الزمالك لا قدر الله



* نفس الاشخاص يهاجمون خالد الغندور الاعلامي الوحيد في وسط الاعلام الشديد الاحمرار الذي يحاول كشف كذب اللوبي الاهلاوي و يحاول انصاف الزمالك يهاجمونه لانه كان محايدا - ليس كشوبير - ولم يتخذ جبهه ممدوح عباس فقط ومع ان الاعلامي يجب ان يكون محايدا و هؤلاء رأوا ان اتصال خالد الغندور بمرتضي منصور اثناء القضيه بانه يقف مع مرتضي منصور ونسيوا او تناسوا انه اعلامي ويجب ان يكون ليه السبق بالحكم قبل اي برنامج اخر يعرض في نفس الوقت وقضيه مرتضي منصور كانت تشغل بال الرأي العام الزمالكاوي و الاحمر في ذلك الوقت ونفس الناس يأيدون موقف شوبير من خالد ويرون ان شوبيير يشتم ويهزأ خالد براحته وان خالد يجب ان لا يرد عليه لانه عيل زي ما قال شوبير وان شوبير هو اكبر اعلامي مش مهم بقي منافق مش منافق المهم انه بيأيد ممدوح عباس ونسيوا ان شوبير عندما بدأ كان مثل خالد الغندور ولكن لان الجمهور الاهلاوي وقف بجانبه وصل لهذه المكانه ولكن نحن لا يجب ان نقف مع خالد لانه زمالكاوي وبس مش عباساوي



* قيام مؤيدين ممدوح عباس بمهاجمه مجموعه (الترا س وايت نايتس ) الذي يفتخر بهم كل زمالكاوي ووصفهم بالشمامين و المرتشين وشوية العيال اللي مش فاهمين حاجه لانهم تجرأوا و قالو الحرامي مين في مباراه الزمالك و الشرطه وصفوهم بكل هذه الصصفات لانهم يحبون الزمالك و الزمالك فقط ويقفون بجواره في احلك الظروف يسبونهم لانهم لم يهتفوا لشوبير لانه يؤيد ممدوح عباس يسبونهم لانهم يروا ان احمد شوبير اشد خطرا علي الزمالك من مرتضي منصور نفسه . اصبحت المجموعه التي تعتبر فخر لكل زمالكاوي هي من تكره الزمالك ومن يجلسون امام التلفاز هم من يحبون الزمالك



* مؤيدين ممدوح عباس كانوا دائمين الاعتراض علي سياسه اللجنه المؤقته في شراء اللاعبين من الدرجه الثانيه وكان دائما يقولون - جمال عبد الحميد مبيفهمش- ايه يا اكاديمي الحقنا ياعباس خلصنا من الاكاديمي - الحقنا ياعباس بالصفقات السوبر - وعندما تولي عباس وتم التعاقد مع احمد جعفر - لاعب كبير ولكنه ليس السوبر الذي كانوا يطلبوه طبعا- بالتوفيق لاحمد - جعفر لاعب كبير - عباس شرب المصريه للاتصالات الشاي بالياسمين - ايوه كده عايزين باقي الصفات . بالرغم من ان اللاعب كان اسمه معروض اثناء وجود المحترم محمد عامر وكان يأخذ اشد الانتقادات نفس الكلام علي لاعب نادي الشمس شوقي السعيد العبساويه مستعدين يتغاضوا عن اي اخطاء له ولا يتغاضوا عنها لغيره لا اعلم لماذا هل هو فوق الانتقاد



* موقف ممدوح عباس مع جمال حمزه وشيكابالا اكبر دليل علي ان العباساويه لا يهمهم مصلحه ناديهم ولكن فقط يهمهم مصلحه الرئيس و بعض الافراد

*موافقه كل مؤيدين عباس علي صفقه عصام الحضري ونسيوا انه اهلاوي جدا و اننا سوف نخسر حارسين من اكبر حراس مصر رفضوا الاهلي مرارا وتكرارا حبا في الزمالك منهم حارس عملاق وافق علي الجلوس احتياطتيا وهو يستحق اللعب في احد الانديه الاوروبيه من اجل الزمالك ولكن ان كان هذا رأي ممدوح عباس فاهلا وسهلا :(



اخيرا تشبيه الكثير الزمالك ب زمالك عباس - او تشبيه ممدوح عباس بحلمي زامورا وانا شخصيا ارفض هذه التشبيهات وارفض ان يقال مستقبلا علي ابناء الزمالك ابناء عباس بدلا من ابناء زامورا







اخيرا انا مع الاستاذ ممدوح عباس قلبا وقالبا في ما يكون في مصلحه الزمالك فقط وانا لا اراه معصوم من الخطأ او شخص لا يجب نقده

ارجوكم حبوا الزمالك فقط ويكون شعاركم الزمالك و الزمالك فقط او كا الحمر الزمالك فوق الجميع

واختلاف الرأي لا يفسد للود قضية

~~ أبـــــنــــاء ولــــــكـــن~~

صراع مرير دخلت فيه بين عقلي وقلبي في شئ متعلق بعشقي الاول و الاخير ((( الزمـــــاكــ))) عقلي مقتنع باشياء وقلبي يقتنع باشياء اخري ولم يحسم صراعي حتي الان

صراعي حول اثنين من اللاعبين من من يطلقون عليهم ابناء النادي ولكنهم ابناء جاحدون لم يحفظوا الجميل لمن صنع اسمائهم ولم يحترموا جمهوروهم العريض

جمال وشيكا

كثيرا ما تغني جمهور الزمالك باسمائهم حتي ملل الجمهور وكره حتي سماع حرف من اسمائهم جمال وشيكا من ابناء نادي الزمالك وهو من صنع اسمائهم ولكن ماذا قدما للزمالك في المقابل

جمال حمزه لم يقدم سوي اداء مميز علي فترات متباعده و اوقات لا يقدم اي شئ طوال الموسم سوي في مباريات الاهلي وكان مهمته الاولي و الاخيره في الزمالك هي هزيمه الاهلي ليس لتحقيق البطولات او جعل اسم نادي الزمالك وعلمه يرفرفان عاليا

جمال حمزه عمره الان 27 عاما ولم يحصل يوما من الايام علي لقب هداف الدوري ولم يشترك في المنتخب المصري الا عده مباريات معدوده علي اصابع اليد لاعب مهاريا يعد افضل لاعبين مصر ولكن اضاع من يده فرص كثيره ثمينه وبالرغم من انه ليس له اي انجازات في الزمالك الا انه يلعب دائما بمشاعر الجماهير - لانه يعلم ان جماهير الزمالك تعشقه وليس تحبه فقط - فمره يلعب بتراخي شديد وعندما يهزم الفريق يقول بمزاجي و مره يهدد بالانتقال للاهلي ومره يصرح بانه لن يلعب الا للزمالك وهو يلعب بمشاعر الجماهير ليرغم الاداره علي الموافقه علي رغباته وطلباته الماليه و اخيرا عندما رفض مجلس الاداره برئاسه الدكتور محمد عامر الخضوع لطلباته الماليه للتجديد و رفض ديكستال اسلوبه المتكاسل في التدريب ترك النادي وهو في اشد الحاجه اليه بدعوه الاحتراف في نادي درجه ثانيه في السويد وعاد الي القاهره و انكشفت تمثيليته رفض العوده الي النادي للتدريب و ترك النادي يصارع الهبوط

* شيكابالا من ناشئين النادي واول شئ فعله للنادي هو الهروب منه لنادي باوك اليوناني وعندما عاد مره اخري للنادي عاد بمشاكل لاحصر لها اولا توقيعه للاهلي و عاد في توقيعه عندما عرض عليه الاستاذ ممدوح عباس مبلغ اكبر من الاهلي (( رجع الزمالك علشان الفلوس مش علشان الكيان)) الغرامه وقام الزمالك بدفع مبلغ 990 الف يورو غرامه لنادي باوك و بالرغم من كل ما فعله له الزمالك لم نجد منه الا اللعب الفردي و التمرد و سلك نفس طريق جمال حمزة فنراه مره ( مالهوش نفس يتدرب) فيطرده محمود سعد ومره لايذهب للتدريب ولا يرد علي التليفونات واعلن انه لن يلعب مره اخري للزمالك وان تواجده في الزمالك كان فقط لحين انهاء خدمته العسكريه

بعد كل هذا التمرد من اللاعبين يعود الينا المجلس الجديد بقياده (ممدوح عباس ) ويعيدوا نفس اخطاء الماضي و نفس نظام المحايله علي اللاعبين لتكرموا ويعودوا للزمالك ونسمع ان اللاعبان وافقا علي اللعب للزمالك

للاسف انا احبهما من كل قلبي ولكن عقلي يرفضهما نهائيا فهما لم يقدما اي شئ للزمالك ولا بطولات ولا ادااء بالعكس تعودوا علي مجاملات مجالس الادارات لهم ولم يقدما شئ ومعهما الزمالك كان ينافس علي الهبوط وبدونهما قدما اداءا لم نقدمه منذ فترات طويلة

بالرغم من حبي لهما ولكني احب الزمالك اكثر بكثير منهم وانا لا اريدهما في الفريق لانهما مثل ثمره الفاكهه التالفه التي ان استمرت في نفس السله مع باقي الثمرات سيفسد كل ما في السله

يصر المجلس علي وجودهما و يردد نغمه ابناء النادي

و بالنظر علي اسماء من افادوا النادي

عبد الحليم علي ---- ليس من ابناء النادي

عبد الواحد السيد ----- ليس من ابناء النادي

وائل القباني ----- ليس من ابناء النادي

تامر عبد الحميد ---- ليس من ابناء النادي

وليد عبد اللطيف ---- ليس من ابناء النادي

احمد مجدي -- من ناشئ الاهلي

شريف اشرف ( يحاول جاهدا ان يثبت نفسه ) من ناشئ الاهلي

هاني سعيد ---- ليس من ابناء النادي

هؤلاء من تذكرتهم فقط من القائمه الطويلة اللاعبين الذين افادوا الزمالك وهم ليسوا ابناء النادي وعلي النقيذ تماما نري ابناء النادي يهينوه ويهينوا جماهيره ولا يقدموا شيئا يذكر للنادي ( ابو العلا - جمال حمزه - شيكابالا-ايمن عبد العزيز) اتمني التخلص من نغمه ابناء النادي لاننا بصراحه مللنا منها

واذا اصر المجلس علي وجودهما و اذا اصر المجلس علي سياسيه 0 اطبطب و ادلع فهي كلمه واحده فقط

لــكـــ الله (( ليس يازمالك )) ياجـــمــاهـــيــر الزمالكــ