المهم بعديها بساعه لاقيت الصوره اتشالت من التوقيع ومكتوب - صوره مخالفه الاداره -
قلت يمكن مخالفه علشان الفستان مفتوح شويه بس يعني مين المريض اللي هيفضل يدقق في الصوره علشان يستثار من الفتحه اللي انا والله مكنت واخده بالي منها دي اللي انا شايفاها عاديه ومفيهاش حاجه
المهم كبرت دماغي وغيرت الصوره الاسبوع اللي فات من فرحتي بعوده Kim Clijsters حيطت صوره ليها وكتبت تحتها welcome back ,Kim وحرصت وانا بنقي انها تكون صوره مش منافيه للاداب بتاعتهم علشان اخلص واريح دماغي اختارت صوره مفيهاش الا وشها وذراعها وبس علشان محدش يقولي كل ماحد هيبص للوصوره هتاخدي ذنوب
النهارده و المفاجاة الكبري لاقيت الصوره اتشالت !!!!!
ليه وعلشان ايه اكيد علشان مخالفه ايه اللي مخالف فيها
دي مفيهاش غير وش للدرجه دي ياعيني الرجاله مش قادرين يمسكوا نفسهم من انهم حتي يبصوا في وش واحده
وبعدين دي الصوره مفيهاش اي حاجه مثيره ايه المثيره في وش وذراع واحده بتلعب serve هي هتركز في الكوره اللي بتلعبها ولا انها تبين جمالها وانها مثيره وكمان الصوره بعيده يعني علشان حد يشوف وشها كويس لازم يكبرها الاول
للدرجه دي وصلنا ان اي خيال واحده يثير الرجاله للدرجه دي ويريلوا عليها للدرجه دي اختزلتوا المرأه في مجرد جسد
رقاصه - ممثله - لاعبه - دكتورة-وزيرة - مدرسه - سفيره-اميره - ملكه بقت يبتص عليها وتتعامل علي انها جسد بس بتريلوا اول ما بتشفوها
حسبي الله ونعم الوكيل فيكم و في اللي انتوا ماشيين وراهم من مشايخ مملكه الظلام المشكله الحقيقيه بقي مش في كده لا ان المنتدي بيتقال فيه افظع الالفاظ ولا كأننا واقفين في اقذر منطقه فيكي يامصر وكل واحد يشتم تلاقي في توقيعه ايات قرءانيه و احاديث وياعيني بيتأذي من صور المرأه العوره الل سبب البلاوي والصور بس هي اللي حرام لكن الالفاظ اللي بتتقال اللي بتكسف اي بنت عنيها تقع عليها حلال حلال حلال مدام مفيهاش صور نساء
وفي خبر عن نادي الجونه كان فيه صوره للمتحدثه الرسميه للنادي "ميار عبد العزيز " كان كل التوبك عباره عن مباراه في العبارات الجنسيه بين الاعضاءوطبعا اللي استفز المشرف العبقرينو صوره ميار وشالها من التوبك وساب المباراه ماشيه زي ماهي كأن اللي حرام بس هي صوره ميار
وعمار يامصر لما العقول اللي فيكي بالشكل ده
وعمار يامصر برجالتك اللي كلهم بقوا حيوانات بتتحكم فيهم غريزتهم
الحل الوحيد لتفادي الحذف هو زي التنس الشرعي لاحترام مشاعر الحيوانات العربيه
3 التعليقات:
أنسة مني صحيح أنا بأفضل الحجاب و بأفضله علي النقاب بس مش بأربط أخلاق البنت بلبسها ده أو ده أو عدمه زي قليلي الخبرة
أنا حاسس بالغضب اللي جواكي بس مش للدرجة دي
في نقطتين لازم تخدي بالك منها الأولي إن معظم أصحاب و مشرفي المنتديات من الأخوة اللي عندهم وقت فراغ كبير ودول غالبا إما طلبة ثانوي أو عاطلين بمعني تاني إما عيال أو فشلة وطبعا دول عمرهم ما تسلميهم دماغك
والنقطة التانية إن كتير من ضعيفي الشخصية بيتلمو علي المنتديات علشان يكونو شخصية وصحاب ودول دايما بيحاولو يظهروا بشكل مثالي خانق وطبعا يا إما تستحملي أفورتهم يا إما تصطدم بيهم يا إما تكون زيهم و تظيط مع الظيطة
مني بيعجبني فيكي فكرك الحر بس إفتكري مجتمعنا الشرقي وخليكي مستعدة لوجع القلب
كلمة أخيرة بلاش حكاية حيوانات عربية لأنك عممتي الكلام كمان أكتر ناس بتستغل جسد المرأة هما الغرب
your friend
dr alaa ali
blueeyes20000_uk@yahoo@facebook
dr infinity 2008@twitter
عزيزتى
انا شايف ان لو مش عجبك المنتدى تشوفى منتدى غيره
وموضوع شيل الصور مش علشان انها هتثير الرجالة ولا حاجه بس يمكن علشان الصورة الاولى عارية بعض الشئ اتشالت انا الصورة التانيه مش عارف ليه بصراحه
اسأليهم ولا متعرفيش
ودلوقتى المجتمع بقه متحفظ عن زمان وزمان كانوا بيلبسوا المينى جيب عادى ومكنش فيه مشكلة
تفتكرى ده كان صح دينيا
ورمضان كريم
دى الحالة مستعصية والمرض اصلبح مزمن فوق ما تتخيلى مش مهم الكلام المكتب حتى لو كان كلام سكسى من الدرجة الاولى الاهم انه كل لما يفتح الفضائيات يسمع ان المرأة عورة المرأة لازم تستخبى وعلشان كدا تلاقيه يثار من مجرد ما يشوف صوباع رجل باين مش وجه وكتف
تلاقى الادمن ده من العيال اللى بتتعبد شهر رمضان من صوم وصلاة واول يوم العيد يروحوا يتحرشوا عقابا للبنات اللى نازلين من بيتهم
انتى لسه فى المنتدى ده بتعملى ايه
ربنا يصبرك يا قلبى
إرسال تعليق