مصر ام الدنيا ... من انهي اتجاه

مصر ام الدنيا

و الأم مدرسة إذا أعدتتها ... أعدت شعبا طيب الأعراق

ولو شفنا معاملة الام لبناتها هنلاقي

رفض 344 قاضي تعيين قاضيات في مجلس الدولة مع انها هي الام اللي قالت في 1951 ان مفيش مانع ان المرأه تكون قاضيه

ونشوف الدنيا اللي هي امهم 

بناتهم وصلوا لمناصب كتير اعلي من قاضيات مجلس الدولة

رئيسة محكمه

وزيرة خارجية

رئيسة وزراء

رئيسة جمهورية

و نشوف اقارب الام

المغرب اول دولة عربية تقوم بتعيين قاضية 1959

لبنان 1967

السودان 1970

وصلت المرأه في السودان لمنصب رئيسة محكمة

سوريا 1975

وفي نفس العام تم تعيين امرأه في منصب النائب العام

يوجد قاضيات الان في سوريا رئيسات لمحاكم

الاردن 1996

سلطنة عمان تعيين اربع قاضيات في مجلس الدولة  1998

حاليا عددهن 8

تعيين 16 وكيلة نيابة 2004

البحرين 2006

الامارات 2007 تعيين وكيلات نيابه

تعيين قاضيه 2008

تونس نسبة القاضيات تعددت 29% ووصلت لرئيسة محكمة

ليبيا المرأه وصلت لرئاسه المحكمة العليا

الجزائر وصلت المرأه لرئاسه المجلس الاعلي للقضاء ومحاكم الجنايات

في فلسطين القاضيات يشكلن نسبة 7%ء

في مصر لسه في مرحله النقاش هل تصلح المرأه قاضيه ولا لأ

في مصر لسه الرجاله بتبص علي الستات علي انهم ملك يمين

في مصر لسه الرجاله بتبص علي ان الشغل حتي لو الوظائف الكتابية شايفين انهم الاحق وان الستات اخدوا اماكنهم
لسه بناقش لو في وظيفه مين الاحق بالتعيين فيها راجل ولا ست 

حتي لو قلنا ان 45% من الاسر المصرية بيصرف عليهم سيدات

في مصر لسه الستات بيفكروا بعقلية عصر الحريم وشايفين ان الرجاله خلوهم يتعلموا ده كده يبوسوا اديهم وش وضهر

انهم علموهم

في مصر الستات مش بتدافع عن حقوقها و شايفه انهم كده عايشين في هنا وسعاده

في مصر كل ستات الدول العربية بيدافعوا عن حقوقهم لحد ما يخدوها وبيتقدموا واحنا بيرجعوا لعصر الحريم 

اكيد مصر مش ام الدنيا من اتجاه انها المدرسة

اكيد من انتجاه ان الام انثي و الانثي عوره لازم تستخبي تحت السواد علشان محدش يشوفها

وهو ده اللي لازم يحصل لمصر انها تستخبي و  متخليش حد يشوفها ونبطل نكسف نفسنا و نقول شعارات علي الفاضي

وكلها كلام في الهوا وبس

مايريده الرجل و المرأه في مصر و يحاربون من اجله